Түркістан облысын сел басты: Қазығұрттағы ауылдар су астында қалды
Фото: видео скриншот
1 қазанда Түркістан облысының Қазығұрт ауданында нөсер жауыннан кейін сел жүріп, бірнеше елді мекенді су басты, деп хабарлайды Qazaqtoday.info ақпарат порталы.
Тау жақтан аққан лай су көшелер мен аулаларға кіріп, ауылдар арасындағы жолдарды да шайып кеткен.
Ақбастау ауылында су көшелерге жайылып, кей үйлердің жертөлесіне дейін жеткені айтылады.
Сондай-ақ тасқын Қосағаш, Қызылсеңгір және Тұрбат ауылдарына да жеткен.
Осындай жағдайдан кейін аудан әкімдігі мен жауапты қызметтердің елді мекендерді селден қорғауға қаншалық дайын болғаны туралы сұрақ туындайды.
Тұрғындар жыл сайын табиғи қауіппен бетпе-бет келмеуі үшін су бұру арналары мен селден қорғайтын инфрақұрылымның жағдайын жергілікті билік қайта қарауы қажет.
