Қарағандыда ер адам мен әйелді атып кетті: күдікті ұсталды
Қарағандыда саяжайдан 43 жастағы ер адам мен 55 жастағы әйелдің оқ жарақатымен өлген денелері табылды. Күдікті ұсталып, кінәсін мойындады.
Фото: freepik
Қарағандыдағы саяжай қоғамдастығының бірінен 6 қыркүйекте 43 жастағы ер адам мен 55 жастағы әйелдің денесі табылды. Екеуінің де денесінде оқ жарақатының іздері анықталған.
Бұл туралы Qazaqtoday.info сайты хабарлайды.
Оқиға бойынша «Адам өлтіру» бабымен қылмыстық іс қозғалды. Жедел-іздестіру шараларының нәтижесінде 56 жастағы ер адам күдікті ретінде ұсталды.
Полиция мәліметінше, ұсталған адам кінәсін мойындаған. Қазіргі уақытта ол уақытша ұстау изоляторына қамалған. Тергеу амалдары жалғасуда.
