Қонаев маңында жолаушылар автобусы лайға батып, 27 адам құтқарылды
Қонаев маңында жолаушылар автобусы лайға батып, 27 адам, оның ішінде 18 бала құтқарылды. ТЖМ құтқарушылары автобусты шығарды, зардап шеккендер жоқ.
Сурет: kz.kursiv.media
Қазақстан Республикасы Төтенше жағдайлар министрлігінің мәліметінше, Қонаев қаласының солтүстік жағалауында, «Лазурный берег» демалыс аймағының маңында жолаушылар автобусы лайға батып, өздігінен жүре алмай қалған. Оқиға орнына жедел түрде ТЖМ күштері мен құралдары жіберілді.
Автобуста 27 адам, оның ішінде 18 бала болған. Құтқарушылар автобусты лайдан сәтті шығарып, көлік қозғалысын жалғастыра алды. Зардап шеккендер жоқ.
Төтенше жағдай туындаған кезде 112 нөміріне дереу хабарласу қажеттігін еске саламыз.
Бұған дейін «Курсив» Солтүстік Қазақстан облысы Айыртау ауданындағы Имантау көлінде Ресей Федерациясының төрт азаматы құтқарылғанын хабарлаған болатын.
