Лионель Мессидің әкесі Хорхе Месси 68 жасында қайтыс болды
Аргентиналық футболшы Лионель Мессидің әкесі әрі бұрынғы агенті Хорхе Месси 68 жасында қайтыс болды. Оның өлімінің нақты себебі әзірге белгісіз.
Сурет: kznews.kz
Аргентиналық футболшы Лионель Мессидің әкесі әрі бұрынғы агенті Хорхе Месси 68 жасында өмірден өтті. Бұл туралы Аргентинаның бірнеше бұқаралық ақпарат құралдары хабарлады, деп жазады Qazaqtoday.info сайты.
Infobae басылымының мәліметінше, Хорхе Месси ұзақ уақыт бойы ауырып, емделген. Алайда оның нақты диагнозы туралы ресми ақпарат жарияланбаған.
Бұған дейін бұқаралық ақпарат құралдары Лионель Мессидің әкесінің денсаулығына қатысты проблемаларын жазған болатын. Әлем чемпионатындағы Алжирге қарсы ойыннан кейін футболшының ерекше эмоция көрсетіп, көзіне жас алуы да осы отбасылық жағдаймен байланыстырылды.
Кейін Мессидің айтуынша, ол кездегі көңіл күйі спорттық нәтижеге емес, өміріндегі қиын кезеңге байланысты болған.
РБК деректеріне сүйенсек, Хорхе Месси Аргентинаның Росарио қаласындағы ауруханада қайтыс болған. Оның өлімінің нақты себебі әзірге жарияланбаған.
Хорхе Месси ұлының кәсіби мансабында маңызды рөл атқарған. Ол Лионель Мессидің агенті ретінде көп жылдар бойы футболшының келісімшарттары мен кәсіби мәселелерімен айналысқан.
