Самара – Шымкент жолындағы жол апатынан «Қазхромның» үш қызметкері қайтыс болды

Фото: әлеуметтік желі

28 шілде күні «Самара – Шымкент» автожолында қайғылы оқиға орын алды, деп хабарлайды Qazaqtoday.info.

Хромтау қаласының маңында «Audi» және «ГАЗель» автокөліктері соқтығысты. Жол-көлік оқиғасы салдарынан «Audi» автокөлігінің жүргізушісі мен бір жолаушысы оқиға орнында көз жұмды. Тағы бір жолаушы емханаға жеткізілу кезінде қайтыс болды.

Ресми дереккөздерге сәйкес, қазіргі уақытта жол-көлік оқиғасының барлық мән-жайы мен себептері анықталуда. Аталған факті бойынша сотқа дейінгі тергеу амалдары жүргізілуде.
Бұл қайғылы жағдай жол қауіпсіздігі ережелерін сақтаудың маңыздылығын тағы да еске салады. Әрбір жүргізуші мен жолаушы жол жүру ережелерін сақтау арқылы өз өмірін және басқалардың өмірін сақтай алады.

Видео: @aktobe_zello