Қазақстан семсерлесушілері Әлем чемпионатында тұңғыш алтын алды
Қазақстан семсерлесушілері Гонконгте өткен Әлем чемпионатында алтын медаль жеңіп алып, тарихта тұңғыш рет әлем чемпионы атанды.
45:40 есебімен украиналық команданы ұтқан Қазақстан құрамасы семсерлесуден Әлем чемпионатында тарихи жеңіске жетті. Гонконгте өткен додада Руслан Курбанов, Ерлік Сертай, Кирилл Проходов және Вадим Шарлаимовтан құралған команда финалда басым түсіп, ел тарихындағы алғашқы әлем чемпионы атанды, деп хабарлайды Qazaqtoday.info сайты.
Бұл – ерлер құрамасының Әлем чемпионаттары тарихындағы тұңғыш алтын медалі. Бұған дейін Қазақстан семсерлесушілері мұндай жетістікке жетпеген еді.
