«Аурудан бұрын кезек өлтіретін болды»: Арыстағы ауруханада жүздеген халық жалғыз кассаға телміріп отыр

Фото: arysinfo.kz

Арыс қалалық орталық ауруханасында емделуге келген тұрғындар касса алдында сағаттап сарғайып, кезегін күтуге мәжбүр. Жүздеген адамға небәрі бір-ақ касса қызмет көрсеткендіктен, емхана ішінде ұзын-сонар кезең қалыптасқан, деп жазады Qazaqtoday.info.

Мұндай ретсіздіктен, әсіресе, алыс ауылдардан ат арытып келген ағайын мен жасы үлкен қарттар қатты әбігерге түсуде.

Ем іздеп келген халық бұл жағдайды уақытты босқа шығындау әрі ашықтан-ашық әуре-сарсаңға салу деп бағалап отыр. Ашынған тұрғындар аурухана басшылығынан шұғыл арада екінші кассаны ашып, халыққа қолайлы жағдай жасауды талап етті. Әзірге бұл арыз-шағымға аурухана тарапынан ресми жауап берілген жоқ.

Видео: buginmedia.kz