«Амилай сияқты»: Желіде блогер жігіттің киім үлгісі жұртқа жақпай қалды

Әлеуметтік желіде тазалықшы болып жұмыс істейтін жігіттің танымал блогер Нұрхан Нұрмаханбеттің стиліндегі бейнесі көпшіліктің назарын аудартты, деп хабарлайды Qazaq Today ақпарат порталы.

Автор видеоны өзі түсіріп, жариялаған жазбасында:
«Достар, бұл жай ғана образ. Теріс ойламаңыздар», – деп, роликтің көңіл көтеру мақсатында жасалғанын түсіндірген.

Алайда оның нәзік, феминдік сипаттағы бейнесі желі қолданушыларының бәріне бірдей ұнай қойған жоқ. Пікірлер екіге жарылды: бір тарап мұны әзіл ретінде қабылдаса, екінші топ мұндай экспериментті қолдамайтынын ашық білдірді.

Желіде:
«Сабинаға ұқсап кетіпсің», «Жел тұрса ұшып кететіндей», «Еркелігі асып кеткен екен», «Алла ұрпағымызға дұрыс сана берсін», «Неге мұндайларды военкомат алып кетпейді?» деген сынды түрлі пікірлер жазылды.

Кейбір қолданушылар видеоны шығармашылық ізденіс ретінде бағалағанымен, көпшілік жігіттің бұл қадамын шектен шыққан әрекет деп санап отыр. Әлеуметтік желіде назар аударту үшін түрлі контентке баратын блогерлер көбейгенін ескерсек, бұл жағдай да соның бір мысалы деуге болады.