Бейнеуде 17 жастағы бала рөлге отырып, полиция көлігін соғып кетті

Фото: видеодан скрин

Маңғыстау облысындағы Бейнеу ауданында жасөспірім тізгіндеген Toyota полиция көлігіне соғылып, оқиға әлеуметтік желіде қызу талқыланып жатыр, деп хабарлайды Qazaq Today ақпарат порталы.

Жол-көлік оқиғасы бейнекамераға анық түсіп қалған. Облыстық полиция департаментінің мәліметінше, көлікті 17 жастағы жасөспірім басқарған. Абырой болғанда, апаттан зардап шеккендер жоқ. Полицейлер ата-анасының жауапкершілігін де қараусыз қалдырмады: баласының көлік жүргізуіне жол беріп, өз міндетін тиісінше орындамағаны үшін олар әкімшілік жауапкершілікке тартылды.