Көкпардан Қазақстан ұлттық құрамасы финалға шықты

Фото: Ұлттық және ат спорт түрлері орталығы

Астанада өтіп жатқан V Дүниежүзілік көшпенділер ойындарында көкпардан Қазақстан құрамасы финалға жолдама алды, – деп хабарлайды Qazaq Today ақпарат порталы.

Қазақстандық көкпаршылар жартылай финалда Ресей командасын 18:2 есебімен ұтты. Финалда Қазақстан Қырғызстан – Түркия кездесуінде жеңіске жеткен командамен алтын жүлдені сарапқа салады.

«Қазанат» ипподромында өтіп жатқан көкпар бәсекесіне 9 мемлекеттің құрамасы қатысып жатыр. Бұл спорт түрінен барлығы 104 спортшы сынға түсуде.

Финалдық ойын 12 қыркүйекте өтеді.