Рүстем Жүгінісовтің «ухти» сөзіне қатысты видеосы желіде талқыға түсті
Рүстем Жүгінісовтің әйеліне «ухти» сөзін қолданбай, «сіңлім», «әпкем» деуді ұсынған видеосы желіде қызу талқыға түсті. Қолданушылар әзіл мен сын пікірлерін жаудырды.
Фото: видеодан скрин
Желіде әнші Ағайынды Жүгінісовтардың үлкені Рүстем Жүгінісовтің айтқан сөзі қызу талқыға түсті. Бұрынғы әнші, бүгінде блогер әрі кәсіпкер Рүстем Жүгінісовтің әлеуметтік желіде жариялаған видеосы қызу талқыланып жатыр.
Бұл туралы Qazaqtoday.info сайты хабарлайды.
Кадрда ол жанында келе жатқан әйеліне «ухти» сөзін қолданбай, оның орнына «сіңлім», «әпкем» деген сөздерді айтуды ұсынады. Алайда желі қолданушылары оның бұл ескертуін әзіл мен сарказмға балап, түрлі пікір қалдырған. Кейбір оқырмандар экс-әншінің қазіргі келбетін де сынға алған.
«Екеуі де керемет өнер адамдары еді. Түрлері не болып кеткен?!», «Никаб кигізіп қойыпты», «Мысқылдап келе жатыр ғой өз тіліне» деген пікірлер де кездеседі.
Айта кетейік, Рүстем Жүгінісовтің бұрынғы жары — дәстүрлі әнші Айжан Қырықбаева. Ал видеодағы жүзін қара никабпен жапқан әйел оның екінші жұбайы болуы мүмкін деген болжамдар әлеуметтік желіде тарады. Сондай-ақ кейбір дереккөздерде блогердің алғашқы әйелімен ажырасқаны туралы ақпарат айтылып жүр. Алайда бұл мәліметтерді әзірге ресми түрде расталмаған.
