Азамат Сатыбалды жұбайына есік ашып, ілтипат танытты
Азамат Сатыбалды жұбайына есік ашып, ілтипат танытқан сәті әлеуметтік желіде көпшіліктің назарын аударып, жылы пікірлерге себеп болды.
Фото: видео скриншот
Актер Азамат Сатыбалды жарына деген сыйластығы мен қамқорлығын тағы бір мәрте көрсетіп, көпшіліктің сүйсінуіне себеп болды. Өнер иесінің жұбайына есік ашып, алдымен оны өткізіп, ілтипат танытқан сәті әлеуметтік желі қолданушыларының назарын аударды.
Бұл туралы Qazaqtoday.info сайты хабарлайды.
Актердің қарапайым ғана әрекетін көпшілік ер азаматқа тән әдемі қасиет пен әйеліне деген құрметтің көрінісі ретінде қабылдады. Желі қолданушылары оның жұбайына деген ізеті мен қамқорлығына жылы пікірлерін білдіріп, отбасындағы сыйластықтың осындай ұсақ-түйек әрекеттерден басталатынын атап өтті.
Кейде үлкен сезім сөзбен емес, күнделікті өмірдегі осындай қарапайым әрекеттермен байқалады. Азамат Сатыбалдының бұл қылығы да көпшілікке отбасындағы өзара құрмет пен ілтипаттың маңызын тағы бір еске салғандай болды.
