«Қазгидромет» 21 қазанда үш қалада қолайсыз метеожағдай болатынын ескертті
«Қазгидромет» 21 қазанда Атырау, Алматы және түнде Жезқазғанда қолайсыз метеорологиялық жағдайлар күтілетінін хабарлады. Бұл жағдайлар ауа сапасының нашарлауына әкелуі мүмкін.
Сурет: istockphoto
«Қазгидромет» республикалық мемлекеттік кәсіпорны елдегі ауа сапасына қатысты болжамын жариялады. 21 қазанда Атырау, Алматы қалаларында, сондай-ақ түнде Жезқазғанда қолайсыз метеорологиялық жағдайлар күтіледі.
Бұл туралы Qazaqtoday.info сайты хабарлайды.
Қолайсыз метеорологиялық жағдайлар дегеніміз — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың жиынтығы. Оларға тымық ауа райы, жеңіл жел, тұман және инверсия жатады.
Мұндай жағдайлар кезінде елді мекендердегі атмосфералық ауаның сапасы нашарлауы ықтимал.
