«Үш рет от шыққан»: Алматыдағы тұрғын үйдің қасбетіндегі жарық тағы тұтанды
Фото: видео скриншот
Алматыдағы «Каусар» тұрғын үй кешенінің қасбетіне орнатылған сәндік жарық тұрғындардың алаңдауына себеп болды, деп хабарлайды Qazaqtoday.info ақпарат порталы.
Тұрғынның айтуынша, бұл жыл ішінде жарық жүйесі үш рет тұтанған, бұған дейін мәселе бойынша e-Otinish арқылы да өтініш жолданған. Алмалы ауданының әкімдігі жарықтандыру жүйесі барлық ақау жойылғанға дейін толық өшірілетінін мәлімдеді. Әкімдік мәліметінше, нысандағы жұмыс монтаж талаптары бұзылғандықтан бұған дейін қабылданбаған.
Мердігерге қатысты сот дауы аяқталған, енді әкімдік жұмысты толық қайта жасатуды талап етіп, талап-арыз дайындап жатыр. Тұрғындар болса, ақаулы жарық жүйесі үй қауіпсіздігіне қатер төндірмей ме деген мәселе көтеріп отыр.
