Моңғолиялық қазақ балуаны Азия ойындарында дзюдодан алтын алды
Моңғолия құрамасындағы этникалық қазақ балуаны Ёлка Кәдірбекұлы Аичи-Нагоядағы Азия ойындарында дзюдодан 66 келіге дейінгі салмақта алтын медаль жеңіп алды.
Сурет: turkystan.kz
26 жастағы Ёлка Кәдірбекұлы Жапонияның Аичи-Нагоя қалаларында өтіп жатқан Азия ойындарында дзюдодан 66 келіге дейінгі салмақ дәрежесінде чемпион атанды. Ол Моңғолия құрамасының сапында өнер көрсетеді.
Бұл туралы Qazaqtoday.info сайты хабарлайды.
Аталған салмақта барлығы 20 дзюдошы белдескен. Кәдірбекұлы алғашқы айналымнан бос болып, кейін Ауғанстан өкілі Хикматуллах Рахманиді, одан соң Тәжікстанның Нурали Эмомалиін жеңді.
Жартылай финалда ол Қазақстан құрамасының мүшесі Ғұсман Қырғызбаевпен кездесіп, «ваза-ари» бағасымен жеңіске жетіп, финалға жолдама алды.
Шешуші белдесуде Кәдірбекұлы Өзбекстан өкілі Абдурахим Нутфиллоевты ұтты. Бұл алтын Моңғолия құрамасының Аичи-Нагоядағы Азия ойындарында жеңіп алған алғашқы алтын жүлдесі болды.
