Жетісудағы Сарыөзек-Көктал жолындағы апат: алты адам қаза тапты
Жетісу облысындағы Сарыөзек-Көктал автожолында екі көлік соқтығысып, алты адам қаза тапты. Тағы бір адам жарақат алып, ауруханаға жеткізілді. Тергеу жүріп жатыр.
Сурет: istockphoto.com
Жетісу облысындағы Сарыөзек – Көктал автожолының 110-шақырымында екі Chevrolet Cobalt көлігі соқтығысып, алты адам оқиға орнында көз жұмды. Тағы бір адам жарақат алып, ауруханаға жеткізілді.
Бұл туралы Qazaqtoday.info сайты хабарлайды.
Алдын ала болжам бойынша, апатқа көліктердің бірінің жүргізушісі қарсы бағытқа шығып кетуі себеп болған. Ол қарсы келе жатқан көлікпен бетпе-бет соқтығысқан.
Өңірлік полиция департаментінің мәліметінше, бұл оқиға бойынша қылмыстық іс қозғалып, сотқа дейінгі тергеу амалдары жүргізілуде. Құқық қорғау органдары жүргізушілерді жол қозғалысы ережелерін қатаң сақтауға, жылдамдықты асырмауға және жол мен ауа райы жағдайын ескеруге шақырады.
