Алматыда демалыс күндері жол қозғалысы ережесін бұзуға қарсы рейд өткізілуде
Алматыда демалыс күндері жол қозғалысы ережесін бұзуға қарсы рейд өткізілуде. Жетісу ауданында 152 бұзу фактісі анықталды.
Сурет: egemen.kz
Алматыда демалыс күндері жол қозғалысы ережесін өрескел бұзу фактілерін анықтау және жол-көлік оқиғаларының алдын алу мақсатында полицейлер рейд жүргізіп жатыр, деп хабарлайды Qazaqtoday.info сайты.
Құқық қорғау органдары көліктерді пайдалану талаптарының сақталуын, жолаушыларды тасымалдау ережелерін және жол қауіпсіздігіне қатысты басқа да талаптардың орындалуын тексеруде.
Жетісу ауданында өткен рейд барысында полиция қызметкерлері жол қозғалысы ережесін бұзудың 152 фактісін анықтады. Олардың арасында көлікті пайдалану талаптарын сақтамау және жолаушыларды тасымалдау ережелерін бұзу жағдайлары бар.
Полиция жолдардағы бақылау жұмыстары тұрақты түрде жалғасатынын атап өтті. Әсіресе көлік қозғалысы қарқынды және жол-көлік оқиғалары жиі тіркелетін учаскелерге ерекше назар аударылмақ.
Құқық қорғау органдары жүргізушілерді жол қозғалысы ережелерін қатаң сақтауға және өз өмірі мен айналасындағылардың қауіпсіздігіне қатер төндірмеуге шақырды.
