Бангладеште екі қазақстандық аяусыз соққыға жығылып, біреуі қайтыс болды
Екі қазақстандық белорустармен топтасып төбелесіп, пышақ жарақаттарын алды, деп хабарлайды Qazaq.Today ақпарат агенттігі.
Жергілікті New Age агенттігінің хабарлауынша, екеуі де Бангладештегі Рооппур атом электр станциясының құрылысында жұмыс істеген. Қанды оқиға құрылыс алаңының жанындағы жұмысшылар қалашығында 26 наурыз күні кешке болған.
Бангладеш полициясының мәліметінше, Беларусьтің үш азаматы екі қазақстандық — Владимир Шовец және тағы бір ер адаммен төбелескен. Төбелес болып, пышақ қолданылған.
Шовец алған жарақаттарынан сол жерде қайтыс болды. Оның денесінен кем дегенде бес терең пышақ жарақаты табылды. Екінші қазақстандық құтқарылып, ел астанасы Даккаға жеткізілді.
