«Қайрат» Чемпиондар лигасы іріктеуінде кипрлік «Омониямен» кездеседі

Сурет: kzaif.kz

22 шілде күні сағат 22:00-де (Қазақстан уақыты бойынша) «Қайрат» Чемпиондар лигасының екінші іріктеу кезеңінің бірінші матчын кипрлік «Омонияға» қарсы өткізеді. Ойын қонақта, Никосиядағы «Neo GSP» стадионында өтеді. Тікелей трансляция тек Freedom Кино және TV платформасында болады, деп хабарлайды Qazaqtoday.info сайты.

«Қайраттың» турнирдегі жолы
Алғашқы іріктеу кедергісін команда сенімді түрде еңсеріп, черногориялық «Сутьесканы» екі матч қорытындысы бойынша 4:1 есебімен жеңді. Алматыда «Қайрат» 2:1 есебімен жеңіске жетті (голдарды Лукас Африко мен Марк Гуаль соқты). Никшичтегі жауап ойынында 2:0 есебі тіркелді (Исмаил Бекболат пен пенальтиден Жоржиньо гол соқты).

Қарсылас
Никосиялық «Омония» — 22 дүркін Кипр чемпионы және қазіргі чемпион, Чемпиондар лигасы, Еуропа лигасы және Конференциялар лигасының іріктеу кезеңдеріне тұрақты қатысушы.

Кездесу тарихы
Клубтар бұрын да кездескен — 2021/22 маусымындағы Конференциялар лигасының топтық кезеңінде (Н тобы). Сол кезде «Қайрат» үшін еурокубоктегі алғашқы топтық кезең «Омонияға» қарсы ойыннан басталған болатын. Екі кездесу де нөлдік есеппен тең аяқталды, алайда Кипрдегі ойында «Қайрат» қақпаға дәл бағытталған соққылар бойынша қарсыласынан 3:0 есебімен басым түсті.

Жауап матч
Екі кездесу қорытындысы бойынша жеңімпаз Чемпиондар лигасының үшінші іріктеу кезеңіне жолдама алады. Жауап матч 29 шілде күні сағат 19:50-де Алматыда өтеді.

Қайдан көруге болады
«Омония» мен «Қайрат» арасындағы матчтың тікелей трансляциясы тек Freedom Кино және TV платформасында, Freedom SuperApp қосымшасында 22 шілде күні сағат 21:50-де — бастапқы ысқырыққа 10 минут қалғанда қолжетімді болады. Жазылымды екі жолмен қосуға болады: мобильді құрылғыдан сілтеме арқылы немесе Smart TV-де. Қосымшада тіркелгеннен кейін қызмет теледидарда да қолжетімді болады, бұл матчтарды үлкен экраннан көруге мүмкіндік береді.