Түркістан облысында жол апатынан жеті адам қаза тапты
Түркістан облысы Бәйдібек ауданындағы Шаян-Екпінді автожолында екі көлік соқтығысып, жеті адам қаза тапты. Қылмыстық іс қозғалды, тергеу жүргізілуде.
Сурет: kaztag.kz
Түркістан облысы Бәйдібек ауданындағы Шаян-Екпінді автожолында екі көліктің соқтығысуынан жеті адам қаза тапты, деп хабарлайды Qazaqtoday.info сайты.
ҚазТАГ хабарлағандай, аталған жол-көлік оқиғасына байланысты қылмыстық іс қозғалды. Алдын ала мәліметтер бойынша, түнде трассада Toyota Camry және Volkswagen Passat көліктері соқтығысқан. Оқиға орнында жеті адам көз жұмды.
Полиция қызметкерлері оқиғаның барлық мән-жайларын анықтау үшін тергеу амалдарын жүргізіп жатыр. Тергеу қорытындысы бойынша процестік шешім қабылданады.
