«Сөзімен келіспеймін!»: Перуашевтің әріптесі депутаттың сөзін орынсыз деп санайды

Фото: видеодан скрин

Мәжіліс депутаты әріптесі Азат Перуашевтың Қазақстанды «Штрафстан» деп атаған шулы мәлімдемесімен мүлдем келіспейтінін кесіп айтты, деп хабарлайды Qazaqtoday.info порталы.

Оның пайымдауынша, елдегі заң мен тәртіпті сақтауға бағытталған шараларды бұлайша қаралау мүлдем орынсыз. Алайда, халық қалаулысы барлық кінә мен жауапкершілікті тек депутаттардың мойнына іліп қоюға түбегейлі қарсы екенін білдірді.

Ол заңдардың халыққа дұрыс түсіндірілмеуі мен атқарылуындағы шикіліктер үшін ең алдымен Үкімет мүшелері жауап беруі тиіс деп есептейді.

Депутаттың сөзінше, министрлер бұл бағыттағы жұмысты жүйелеп, өз міндеттерін салғырттық танытпай, толыққанды атқаруы қажет. Осылайша, Мәжіліс қабырғасындағы «Штрафстан» дауы енді депутаттар мен министрлер арасындағы жаңа саяси текетіреске ұласып кетті.