Тоқаев Қазақстанның бірқатар елдегі елшілерін ауыстырды

Мемлекет басшысы Қасым-Жомарт Тоқаев бірқатар тағайындаулар жасады, деп хабарлайды Qazaq Today ақпарат порталы. 

Мемлекет басшысының жарлығымен Түркиядағы Төтенше және Өкілетті елші Еркебұлан Сәпиев Түркі мемлекеттері ұйымы жанындағы Тұрақты өкілі қызметін қоса атқарушы лауазымына тағайындалды;

Рауан Әбдіманапұлы Жұмабек Қазақстанның Біріккен Араб Әмірліктеріндегі Төтенше және Өкілетті елшісі лауазымына тағайындалды;

Барлыбай Кәрімұлы Садықов еліміздің Кения республикасындағы Төтенше және Өкілетті елшісі, Найроби қаласындағы Біріккен Ұлттар Ұйымының бөлімшесі жанындағы Қазақстанның Тұрақты өкілі қызметін қоса атқарушы болып тағайындалды. Сондай-ақ ол Қазақстанның Эфиопия Федеративтік Демократиялық республикасындағы Төтенше және Өкілетті Елшісі лауазымынан босатылды;

Жалғас Жұмаұлы Әділбаев еліміздің Эфиопия Федеративтік Демократиялық республикасындағы Төтенше және Өкілетті елші лауазымына тағайындалды.