Депутат Қайрат Құдайберген қамауға алынды
Алматы қалалық Мәслихатының депутаты, миллионер Қайрат Құдайберген ұсталды. Кәсіпкердің қамауға алынғаны жайлы @bessimptomno_bot телеграм каналында жарияланды. Депутатқа жаппай тәртіпсіздікті ұйымдастырды және оған қатысты (ҚР ҚК 272-бабының 1 және 2-бөлігі) деген айып тағылған. Қаңтар оқиғасы бойынша қылмыстық істерді Бас прокуратура жанындағы ведомствоаралық тергеу-жедел тобы тергеп жатыр.
«Оқырмандар @bessimptomno_bot анонимді Telegram боты арқылы Алматы қалалық мәслихатының депутаты Қайрат Құдайбергеннің ұсталғанын хабарлайды. BES.media кейбір ақпарат көздерінен депутат Құдайбергеннің ұсталғаны туралы растама алды», делінген хабарламада.
Депутаттың ұсталғанын @kozachkow телеграм каналы да растады. Қайрат Құдайберген қаңтар оқиғасы кезінде Арман Жұмагелдиевтің (Жабайы Арман) қасында болған. Ол бұған дейін куәгер ретінде жауап беруге шақырылған.
