Фото: видеодан скрин
Көкшетаудағы қарапайым тұрғын ауданның жағдайы жұртты алаңдата бастады. Бір ғана контейнер бірнеше көшенің қоқысын қабылдап, әбден толып кеткен. Бұл туралы QazaqToday.info ақпараттық порталы хабарлайды.
Салдарынан тұрмыстық қалдықтар жан-жағына шашылып жатыр. Күн жылынған сайын сасық иіс күшейіп, терезе ашу мүмкін болмай қалған.
Жел тұрған кезде пакеттер аула ішінде ұшып жүреді. Тұрғындардың айтуынша, бұл жерде егеуқұйрық пен жәндіктер көбейген.
Мәселе бір күндік емес, ұзақ уақыттан бері шешілмей келеді. Коммуналдық қызметтің жұмысына қатысты сұрақ көбейіп отыр.
Қала орталығына жақын аумақтың мұндай күйге түсуі – түсініксіз жағдай.
Видео: @neboldy_official
