Испания королі VI Фелипе отарлау дәуірінде көптеген озбырлық болғанын мойындап, өткеннен сабақ алу қажет екенін мәлімдеді, деп хабарлайды Qazaqtoday ақпарат агенттігі.
Монарх бұл пікірін Мадридте Мексиканың байырғы тұрғын әйелдеріне арналған көрменің ашылу салтанатында айтты. Ол сол тарихи кезеңдегі оқиғаларға мақтанышпен қарауға болмайтынын, бірақ оларды объективті талдау маңызды екенін атап өтті.
«Сол жылдардағы оқиғаларды мақтанышпен еске алу мүмкін емес, алайда оларды объективті түрде талдаудың маңызы зор», — деді король өз сөзінде.
Бұл тақырып Испания мен Мексика арасындағы қарым-қатынасты шиеленістіріп тұрған негізгі мәселелердің бірі саналады. Бұған дейін Мехико Мадридтен отарлау саясаты үшін ресми түрде кешірім сұрауды талап еткен болатын.
Фото: Әлеуметтік желіден
