Фото: «Барыс» ХК
Астаналық “Барыс” хоккей клубы сырт алаңда Санкт-Петербургтің СКА командасына 7:0 есебімен ойсырай жеңілді. Бұл туралы Бұл туралы QazaqToday.info ақпараттық порталы Stan.kz -ке сілтеме жасап хабарлайды.
Матч алдында қос команда да өз конференцияларында сегізінші орында тұрған еді: астаналық клуб Шығыс конференциясында, ал ресейлік команда Батыс конференциясында сегізінші сатыға жайғасқан.
Матчтың бірінші кезеңінде алаң иелері екі шайба соқты. Екінші кезеңде СКА тағы бір гол қосып, басымдығын арттырды. Үшінші кезеңде “Барыс” қақпасына тағы төрт шайба жіберіп алды. Нәтижесінде астаналық клуб 7:0 есебімен ірі жеңіліске ұшырады.
Айта кетейік, осы ойыннан кейін “Барыс” ҚХЛ турнирлік кестесінде Шығыс конференциясында сегізінші сатыдан он бірінші сатыға дейін төмендеді.
Тұрақты чемпионаттың аяқталуына небәрі алты ойын қалғанын ескерсек, елордалық клуб 5 наурызда-ақ плей-офф кезеңіне шығу мүмкіндігінен ресми түрде айырылуы ықтимал.
