Италияның Милан және Кортина-д’Ампеццо қалаларында өтетін XXV қысқы Олимпиада ойындарында 8 ақпанда қазақстандық спортшылар жарыс жолына шығады, деп хабарлайды Qazaqtoday ақпарат агенттігі.
Бұл күні Қазақстан құрамасы спорттың екі түрінен: скиатлон және биатлоннан бақ сынайды. Жанкүйерлер отандастарымыздың өнерін «Qazsport» телеарнасының тікелей эфирінен тамашалай алады.
8 ақпанға арналған жарыс кестесі (Астана уақытымен):
16:30. Шаңғы жарысы, скиатлон. Еліміздің намысын Амирғали Мұратбеков, Виталий Пухкало және Наиль Башмаков қорғайды.
18:00. Биатлон, аралас эстафета 4х6 км, финал. Бұл сында Әсет Дүйсенов, Владислав Киреев, Айша Рақышева және Милана Геневадан құралған командамыз жүлдеге таласады.
Фото: Әлеуметтік желіден
