Фото: ҚФФ
Қазақстандық футболшы Ғалымжан Кенжебек Ресейдің Ахмат клубындағы алғашқы нәтижелі соққысын тіркеді. Бұл туралы Qazaqtoday.info ақпарат порталы хабарлады.
Матчта грозныйлық ұжым ОФК Белград командасымен кездесіп, сенімді ойын көрсетті. Кездесудің 32-минутында Ғалымжан Кенжебек есеп ашып, өз командасын алға шығарды. Нәтижесінде “Ахмат” ойынды 3:0 есебімен аяқтап, айқын басымдықпен жеңіске жетті.
Еске салайық, қаңтар айында Ғалымжан Кенжебек “Ахмат” клубымен 4,5 жылға арналған келісімшартқа қол қойған болатын.
Бұған дейін футболшы 2025 жылдың жазында Словакияның Кошице клубынан Қазақстан Премьер-лигасына оралып, Елім-ай командасының жейдесінде өнер көрсетті. Ол шабуыл шебіндегі негізгі ойыншылардың біріне айналып, клубтың чемпионатты төртінші орынмен аяқтауына елеулі үлес қосты. Бұл нәтиже “Елім-айға” Конференциялар лигасының іріктеу кезеңіне жолдама әперді.
Посмотреть эту публикацию в Instagram
