«Басын жұлып алған»: Алматы облысында бес жастағы қыздың мәйіті қоқыстан табылды

Алматы облысының  Сарқан ауданында бес жастағы баланың мәйіті қоқыстан табылды.  Полицияның ақпаратынша, баланың мәйіті Сарқан қаласындағы кірпіш шығаратын зауыттың қасындағы қоқыстан табылған. Алдын ала болжам бойынша, бала 4-5 жаста. Бойы — 90-100 см. Баланың басы шамамен бес метр жерден табылған. Болжам бойынша, ол қыз бала болуы мүмкін. Баланың мүрдесі мәйітханаға сараптама жасалу үшін жіберілді.

«Баланың өлі денесі қоқыстан табылғанын растаймын. Сарқан аудандық полициясына бала жоғалды деген шағым түспеген. Бұл іспен полиция айналасып жатыр»,- деді Сарқан ауданы әкімінің баспасөз қызметі.