«Салават Юлаев» — «Барыс»: КХЛ матчының тікелей трансляциясы 19:00-де басталады
«Салават Юлаев» — «Барыс» ҚХЛ матчы 18 қарашада Уфада өтеді. Тікелей трансляция Қазақстан уақытымен 19:00-де «Qazsport» телеарнасында басталады.
Сурет: sports.kz
Құрлықтық хоккей лигасының (ҚХЛ) кезекті чемпионатында «Барыс» 18 қарашада Уфада «Салават Юлаев» командасымен кездеседі. Бұл туралы Sports.kz хабарлайды.
Бұл туралы Qazaqtoday.info сайты хабарлайды.
Матчтың тікелей трансляциясы Қазақстан уақытымен 19:00-де басталып, «Qazsport» телеарнасынан көрсетіледі.
Осы маусымда ҚХЛ-да 26 ойын өткізген «Барыс» 29 ұпай жинаған. Ал «Салават Юлаев» 27 матчта 28 ұпайға қол жеткізді. «Барыс» соңғы тұрақты чемпионат ойынында өз алаңында Шығыс конференциясының көшбасшысы «Металлургті» 5:4 есебімен жеңді. «Салават Юлаев» болса, алдыңғы кездесуінде өз мұзында «Адмиралды» 6:5 есебімен ұтты. Ағымдағы маусымда «Барыс» пен «Салават Юлаев» бір-ақ рет ойнаған: 9 қыркүйекте Астанада өткен матч өте нәтижелі болып, алаң иелері 8:6 есебімен жеңіске жеткен еді.
