Мадина Сәдуақасова күйеуінен ерекше сыйлық алды
Фото: instagram.com/sadvakasovamadina
Әнші Мадина Сәдуақасова туған күнінде алған сыйлықтарын көрсетті, деп хабарлайды Qazaqtoday.info ақпарат порталы.
Ол алдымен күйеуі Олжастан алған қымбат әшекейін оқырман назарына ұсынды.
«Күйеуім Олжас неке жүзігін сыйлады. Көбі менен неліктен неке сақинасын тақпайтынымды сұрайды. Мен оны 10 жыл бұрын жоғалтып алғам. Күйеуім қайта сыйлап отыр. Алайда саусақ өлшемін дұрыс таппаған, неке жүзігі үлкен болып тұр. Енді тағы да алып беретін болды», деді ол.
Айта кетейік, 47 жасқа толған Мадина Сәдуақасова күйеуі Олжас Смагуловпен 2014-жылдан бері некеде. Екеуінің Әнуар есімді бір ұлы бар.
