«Жөндеу басталды» деген жол әлі шұрық-тесік: Чапай–Жалпақтал тас жолы тағы да сын астында

Фото: видеодан скрин

Чапай–Жалпақтал бағытындағы 17 шақырым жолдың жөндеуі басталды дегенімен, жолдың қазіргі күйі жұртты шошытты. Кадрлардан асфальт емес, ойық-ойық, суға толған шұңқырлар көрінеді. Бұл туралы QazaqToday.info ақпараттық порталы хабарлайды.

Жүргізушілер бұл жолмен жүру қауіпті екенін ашық айтып жатыр. Көпшілік «жөндеу басталды» деген ақпаратқа сенуден қалғанын жасырып отырған жоқ. Әсіресе көктемде жолдың жағдайы тіпті нашарлап кеткені байқалады.
Жол сапасына қатысты сын бұған дейін де айтылған еді.

Тіпті саладағы жемқорлық мәселесі прокуратура деңгейінде көтерілгені белгілі. Сол себепті халық бұл жолдың да тағдыры қалай болатынына күмәнмен қарайды. Әзірге нақты қандай жұмыс істеліп жатқаны көзге анық көрінбейді. Жүргізушілер «жол жөнделмей, тек сөз көбейіп кетті» деп наразылық білдіруде.

Дереккөз: muhtar_utes парақшасы