«Қазгидромет» РМК синоптиктері Қазақстанның ірі қалаларында алдағы үш күнге арналған ауа райы болжамын жариялады. Елордада күн райы күрт суытса, оңтүстік қалаларда жылы болады, деп хабарлайды Qazaqtoday ақпарат агенттігі.
Астана қаласы бойынша:
12 қаңтарда күн бұлтты, қар жауып, боран соғады, көктайғақ болады. Батыстан соққан желдің жылдамдығы секундына 9-14 метрге, екпіні 15-20 метрге жетеді. Ауа температурасы түнде және күндіз -3…-5°С болып, кейін одан әрі төмендейді.
13 қаңтарда көшпелі бұлтты, түнде аздап қар жауады, бұрқасын болып, көктайғақ сақталады. Солтүстік-батыстан секундына 9-14 метр жылдамдықпен жел соғады. Ауа температурасы түнде -13…-15°С, күндіз -11…-13°С болады.
14 қаңтарда күн бұлтты, жауын-шашынсыз. Оңтүстік-шығыстан соққан желдің жылдамдығы – 5-10 м/с. Ауа температурасы түнде -25…-27°С, күндіз -20…-22°С аязға дейін жетеді.
Алматы қаласы бойынша:
12 қаңтарда көшпелі бұлтты, жауын-шашын болмайды. Түнде және таңертең тұман түседі. Оңтүстік-батыстан секундына 2-7 метр жылдамдықпен жел соғады. Ауа температурасы түнде 0…-2°С, күндіз +7…+9°С жылы.
13 қаңтарда көшпелі бұлтты, түнде жауын-шашын (жаңбыр, қар) болады. Түнде және таңертең тұман күтіледі. Жел оңтүстік-шығыстан 3-8 м/с жылдамдықпен соғады. Ауа температурасы түнде 0…-2°С, күндіз +5…+7°С.
14 қаңтарда көшпелі бұлтты, жауын-шашынсыз. Түнде және таңертең тұман сақталады. Жел оңтүстік-шығыстан 3-8 м/с жылдамдықпен соғады. Ауа температурасы түнде -1…-3°С, күндіз +3…+5°С болады.
Шымкент қаласы бойынша:
12 қаңтарда көшпелі бұлтты, түнде және күннің бірінші жартысында жаңбыр жауады. Оңтүстік-батыстан соққан желдің жылдамдығы 7-12 м/с, екпіні 15-20 м/с дейін жетеді. Ауа температурасы түнде +3…+5°С, күндіз +7…+9°С.
13 қаңтарда көшпелі бұлтты, жауын-шашынсыз. Оңтүстік-шығыстан секундына 8-13 метр жылдамдықпен жел соғады. Ауа температурасы түнде -1…+1°С, күндіз +10…+12°С жылы.
14 қаңтарда көшпелі бұлтты, жауын-шашынсыз. Оңтүстік-шығыстан соққан желдің жылдамдығы – 8-13 м/с. Ауа температурасы түнде 0…+2°С, күндіз +11…+13°С жылы болады.
