Фото: pexels.com
АҚШ-тың беделді @msnow арнасында шыққан сараптамаға сүйенсек, Венесуэла мен Кубаға қатысты Ақ Үйдің кейбір саяси әрекеттерінің артында АҚШ сенаторы Марко Рубионың саяси амбициясы тұрғаны анық байқалады, деп хабарлайды Qazaqtoday ақпарат агенттігі.
АҚШ-тың сайланған президенті Дональд Трамп үшін Венесуэла – саяси және экономикалық мүмкіндік қана. Алайда оның жанындағы бас кеңесшілердің бірі әрі Мемлекеттік хатшы болып жүрген Марко Рубио бұл аймақты терең танып, қауіпсіздік пен режим мәселелеріне ерекше назар аударып отыр.
Сарапшылардың айтуынша, соңғы кезде Ақ Үйдің Венесуэлаға қатысты белсенді әрекеттерін дәл осы Рубио үйлестіріп отырған болуы мүмкін. Себебі Кубамен тарихи байланысы бар сенатор бұл елдердегі өзгерістерге жеке жоспармен қарап отыр.
Куба – Венесуэладан мұнай алып отырған ел. Ніколас Мадуроның қауіпсіздігін қамтамсыз етіп жүрген күзетшілер де көбіне кубалықтар болған. АҚШ күштері тарапынан Мадуроны ұстау кезінде отызға жуық кубалық күзетші қаза тапқан.
«Марко Рубионың өзі Кубадан шыққан босқындардың ұлы. Ол испан тілінде еркін сөйлейді және Кубаның ішкі жағдайынан жақсы хабардар», — дейді сарапшылар.
Рубио үшін Куба тек геосаяси нысана емес, сонымен қатар ішкі саясатта бедел жинайтын алаң. Себебі Флорида – республикашыл партия үшін шешуші штаттардың бірі. Онда тұратын кубалықтардың көбі Кубадағы режимге қарсы көзқараста. Бұл электораттың қолдауына ие болу – Рубионың да, партиясының да мақсаты.
«Кубаны мұнайдан айыру арқылы режимді әлсірету – Рубионың басты тактикасы», — дейді талдаушылар.
Бұл әдіс АҚШ тарихында бұрын да байқалған. 1960 жылдары президент Джон Кеннеди Кубаға қарсы әрекет жасағанымен, ол сәтсіз аяқталып, Фидель Кастро билікті сақтап қалған болатын. Сол уақыттан бері Куба ондаған жыл АҚШ эмбаргосының астында болды.
Бүгінде Рубио Кубадағы саяси өзгерістерді ықпал етіп, қажет болса, жаңа биліктің құрылымына тікелей араласқысы келеді. Оның армандары Венесуэла емес, дәл осы Кубамен байланысты.
