6 қаңтар күні Қазақстан қор биржасындағы сауда-саттық қорытындысы бойынша АҚШ долларының теңгеге шаққандағы бағамы 512,83 теңгеге дейін көтерілді. Бұл – бір тәулікте 1,46 теңгеге өскен көрсеткіш, деп хабарлайды Qazaqtoday ақпарат агенттігі.
Елдегі айырбастау бекеттерінде доллар келесі аралықта сатылып жатыр:
- Сатып алу: 512,5–516 теңге
- Сату: 517–518 теңге
Еуро мен рубльдің де бағамы жоғары:
- Еуро: сатып алу – 600–604 теңге, сату – 607–609 теңге
- Рубль: сатып алу – 6,11–6,28 теңге, сату – 6,34–6,4 теңге
Сонымен қатар, ICE биржасындағы Brent маркалы мұнайдың наурыз айындағы фьючерстері 61,93 доллардан сатылып жатыр.
2025 жылдың басынан бері теңге долларға қатысты шамамен 20 теңгеге нығайса да, еуро мен рубльге қарсы әлсірегені байқалады.
