Фото: pexels.com
Financial Times 2026 жылға арналған дәстүрлі жаһандық болжамын жариялады. Басылым өткен жылғы өз болжамдарының дәл болмағанын ашық мойындады: 2025 жылға арналған 20 болжамның жетеуі ғана орындалған.
Бұл туралы Qazaqtoday ақпарат агенттігі хабарлайды.
Газет биылғы болжамында күрт саяси өзгерістер болмайды деп есептейді. Украина президенті Владимир Зеленскийдің Ресеймен бейбіт келісім аясында Донбастан бас тартуы екіталай – FT мұндай қадамды әскери, саяси және конституциялық тұрғыдан мүмкін емес деп бағалайды.
АҚШ-та Дональд Трамп 2026 жылдың соңына қарай қатаң сауда тарифтеріне қатысты ұстанымын жұмсартуы мүмкін. Басылымның болжамына сәйкес, ол жартылай өткізгіштер мен фармацевтикалық өнімдерге салынатын жаңа баж салығынан бас тартып, өзге шараларды да келіссөздер арқылы жеңілдетуі мүмкін.
2026 жылы Еуропа мен Азияда не өзгереді?
FT мәліметінше, Францияда мерзімінен бұрын парламент сайлауы өтпейді, ал Германия ультраоңшыл «Германия үшін альтернатива» партиясына қарсы «санитарлық шектеу» саясатын сақтап қалмақ.
Ұлыбританияда премер-министр Кир Стармер және Лейбористік партия 2026 жылғы мамыр айындағы жергілікті сайлауда қиындықтарға тап болуы мүмкін. Ал Жапонияда премьерлік қызметті Санаэ Такаити сақтап қалуы ықтимал.
Қазақстанға әсері бола ма?
Мұндай жаһандық өзгерістер Қазақстан экономикасы мен сыртқы саясатына жанама әсер етуі мүмкін. Әсіресе, АҚШ-тағы сауда саясаты мен Еуропадағы тұрақтылық деңгейі елдің экспорттық нарығына ықпал етуі ықтимал.
