Фото: adindex.com
2024 жылдан бастап мобильді аударымдарға қатысты бақылау күшейіп, 2026 жылға қарай кейбір азаматтардың шоттары бұғатталуы мүмкін деген ақпарат халық арасында алаңдаушылық тудырып отыр. Бұл жағдай жаңа Салық кодексінің талаптарына, цифрлық төлемдер мен көлеңкелі бизнесті қысқартуға бағытталған шараларға байланысты. Qazaq.Today ақпарат порталы осы өзгерістердің мәнін қарапайым тілмен түсіндіріп өтеді.
Кейінгі жылдары Kaspi, Halyk, Forte сияқты банктер арқылы жеке тұлғалардың арасындағы мобильді аударымдар қаржылық операциялардың басым бөлігін құрады. Көптеген азаматтар кәсібін ресми тіркемей-ақ жеке шот арқылы ақша қабылдап, кәсіпкерлік қызметпен айналысып келеді. Мемлекет мұны «көлеңкелі табыс» деп есептеп, салық түсімінен тыс қалған кірісті бақылауға алмақ.
Салық органдары үшін басты назарда тұрған сома — ай сайын бір шотқа бірнеше тұлғадан түсетін ірі және тұрақты аударымдар. Қазір нақты лимит көрсетілмегенмен, ай сайын 1 миллион теңгеден асатын және тұрақты қайталанатын аударымдар күдік тудыруы мүмкін. Сонымен қатар, бір адамға бірнеше адамнан түсетін біртипті белгілері бар (мысалы, 5000-10000 теңге көлемінде) аударымдарда тексеруге негіз болуы ықтимал.
Кімдердің шоты бұғатталуы мүмкін?
— Тіркелмеген кәсіпкерлікпен айналысатын азаматтар (мысалы, онлайн тауар сатушылар, визажистер, мұғалімдер, шаштараздар, т.б.)
— Ай сайын ірі көлемде аударым қабылдайтын жеке тұлғалар
— Табыс көзін растай алмағандар
— Салық есебіне тұрмаған, POS-терминал немесе QR арқылы емес, тек жеке шотпен жұмыс істейтіндер
Грей зонадан қалай шығуға болады?
1. Кәсіпкерлік қызметті заңдастыру – жеке кәсіпкер (ЖК) ретінде тіркелу, патент немесе арнайы салық режимін таңдау.
2. POS-терминал немесе QR арқылы төлем қабылдау – бұл төлемдер автоматты түрде салық есебіне түседі.
3.Шығын мен табыс есебін жүргізу – қажет жағдайда салық органдарына ақша қозғалысын түсіндіре алу үшін.
4. Салықты уақытында төлеу – шағын бизнес үшін 1% мөлшерлеме бар, бұл өте жеңілдетілген нұсқа.
Мобильді аударымдарды бақылау — бизнеске қысым емес, экономиканы ашық етуге арналған қадам. Егер сіз шынымен кәсіппен айналысып жүрсеңіз, заңдастырғаныңыз дұрыс. Бұл болашақта шоттың бұғатталуын, айыппұл немесе тексеру қаупін болдырмайды. 2026 жылға дейін мемлекет бейресми табысты заңдастыруға мүмкіндік береді. Сондықтан, «грей зонада» қалу – ертеңгі күні қауіпке бас тігумен тең.
