Ақтөбе облысында Toyota мен Renault соқтығысты: оқиға бір адамның өлімімен аяқталды

Фото: видеодан скрин

Ақтөбе облысында Қандыағаш–Ембі бағытындағы автожолда ауыр жол-көлік оқиғасы тіркелді, деп жазады Qazaq Today ақпарат порталы.

Әлеуметтік желіде апат орнынан түсірілген бейнежазба тарады.

Облыстық Полиция департаментінің мәліметінше, тасжолда Toyota және Renault маркалы көліктертің бетпе-бет соқтығысуы салдарынан бір адам қаза тапқан.

«Toyota көлігінің жолаушысы алған жарақатынан оқиға орнында жан тапсырды», – деді ведомство өкілдері.

Қазіргі таңда оқиғаға қатысты ҚР ҚК-нің 345-бабы («Жол қозғалысы ережелерін бұзу») бойынша сотқа дейінгі тергеу басталды. Сараптама тағайындалып, апаттың мән-жайы анықталып жатыр.