Жеті айда 25 рет тұрмысқа шыққан әйел қамауға алынды

Үндістанда жеті айда 25 рет тұрмысқа шыққан 23 жастағы әйел қамауға алынды, деп хабарлайды Qazaq Today ақпарат порталы.

The Economic Times мәліметінше, Анурадха Пасван есімді тұрғын ұйымдасқан қылмыстық топ мүшесі болған. Ол бойдақ жігіттердің сеніміне кіріп, үйленуге көндіріп, ақыр аяғында олардың ақшасы, алтыны мен техникалық заттарын алып, тайып тұрған.

Алаяқ әйел жігіттермен WhatsApp арқылы танысып, алдын ала төлем ретіде 500 мың рупий алып отырған. Кейін ақшасы мен құнды заттарын ұрлап, басқа аймаққа қоныс аударып, мекенжайын ауыстырып жүрген. 25-тен астам тұрғыннан арыз түскен әйелді күйеу жігіт ретінде танысқан полицейдің көмегімен ұстап, қамауға алған. Қазір қылмыстық топтың басқа мүшелері іздестіріліп жатыр.