«Өтініш, менің телефонымды, мекенжайымды қыздарға бермеңіздерші»: Сәкен Майғазиев Мейрамбек Бесбаевқа таңғалғанын айтты

Әнші Сәкен Майғазиев Алматы қаласына алғаш келген сәтін есіне алды.

Әнші әсем қала келгенде ерекше әсер сыйлағанын айтады. Ол әріптесі Мейрамбек Бесбаевпен осы жерде танысқанын атап өтті.

«Созақтан мініп, «Сайран» автовокзалынан түскен едік. Ауа райы керемет болып тұрды. Сол кезде «Мейрамбек Бесбаев та осы қалада тұрады ғой» деп ойлаған едім. …Біз бозбала болып, мұрт шығып, қыздарға енді хат жазып жүргенде оның бір сұқбатын оқып едім. «Өтініш, редакция, менің үй телефонымды, мекенжайымды қыздарға бермеңіздерші» депті сұқбатында. Сол кезде мен таңғалған едім, «Қыздардан қашатын бұл не деген жігіт?» деп. Сөйтіп Алматыға алғаш келгенде «осы қалада Мейрамбек Бесбаев та тұрады ғой» деген керемет бір ассоциация қалып қойды», — дейді Сәкен Майғазиев.