Байбек пен Дариға Назарбаева «Нұр Отан» партиясынан шықты

Бауыржан Байбек пен Дариға Назарбаева «Нұр Отан» партиясының саяси кеңесінен шықты. Бұл туралы Alash.Press басылымы paranoia.kz телеграм каналына сілтеме жасап хабарлайды.

Еске сала кетейік, бұл елде Nur Otan партиясының кезектен тыс XXI съезі өтіп жатыр.

Съезде Тоқаев: “Қазір ел ішінде түрлі жағымсыз әңгімелер тарап жатқанын білемін. Осыған байланысты Мемлекет басшысы ретінде тағы да қайталап айтамын. Тұңғыш Президентіміз елімізді іргесі берік мемлекетке айналдыру үшін зор еңбек сіңірді. Кемшілік жіберген кезі болса, оның елдің кейінгі басшылары таразыға тартатын болады”, –  деді.