Махамбет ауданының әкімі өзенге батып кетті
Атырау облысы Махамбет ауданының әкімі Ринат Жаңғлышов 31 шілде күні түсте Жайық өзеніне батып кетті, деп жазады «Ақ Жайық» газеті.
Бұл деректі Махамбет ауданының әкімдігі мен облыстық төтенше жағдайлар департаментінің қоғаммен байланыс тобы растады. Оқыс оқиға туралы департаменттің диспетчер пультіне 31 шілдеде жергілікті уақытпен сағат 22:38-де хабар берілген. Махамбет ауданының әкімі Ринат Жанқылыш Ортақшыл ауылының тұсында Жайық өзеніне суға түскен.
Бірақ судан кері шықпай қалған. Оқиға орнына департаменттің жедел құтқару жасағынан 3 сүңгуір іздеу жұмысына кірісті. Әзірге суға кеткен әкімнің денесі табылған жоқ. Ринат Жанқылыш Махамбет ауданының әкімі лауазымына 2021 жылғы ақпан айында тағайындалған еді.
Ол 1982 жылы 2 желтоқсанда Атырау қаласында дүниеге келген.
