Кәрім Мәсімовті қамауда ұстау мерзімі ұзартылды
ҰҚК экс-басшысы Кәрім Мәсімов пен оның орынбасары Әнуар Садықұловті қамауға алу мерзімі 6 тамызға дейін ұзартылғаны белгілі болды. Дәулет Ерғожиндікі 13 тамызға дейін ұзартылды, — деп хабарлайды qazaq.today сайты Orda.kz тілшісіне сілтеме жасап.
Осылайша, ҰҚК-нің бұрынғы басшысы 6 айдан бері қамауда отыр. Соңғы рет оның қамауға алу мерзімі 6 маусымда ұзартылған.
ҰҚК тергеу-жедел тобы Кәрім Мәсімовке, Әнуар Садықұловқа, Дәулет Ерғожинге және басқа да тұлғаларға қатысты мынадай баптар бойынша қылмыстық істерді тергеп жатқанын айтты.
- ҚР Қылмыстық кодексінің 175-бабының 1-бөлігі – Мемлекетке опасыздық жасау – қарулы қақтығыс кезінде жау жағына өту, тыңшылық.
- ҚР Қылмыстық кодексінің 179-бабының 3-бөлігі – Билікті басып алуға немесе ұстап қалуға үгіт-насихат немесе жария түрде шақыру.
- ҚР Қылмыстық кодексінің 218-бабы, 3-бөлігі, 3-тармағы – Қылмыстық жолмен алынған ақшаны немесе мүлікті заңдастыру.
- ҚР Қылмыстық кодексінің 362-бабы, 4-бөлігі, 3-тармағы – Ауыр зардаптарға әкеп соққан билікті немесе лауазымдық өкілеттіктерді асыра пайдалану.
- ҚР Қылмыстық кодексінің 366-бабының 4-бөлігі – Аса ірі мөлшерде пара алу.
Экономикалық ресурстардың заңсыз шоғырлануына қарсы күрес жөніндегі комиссия бір күн бұрын Қазақстанға заңсыз шығарылған қаражаттың қайтарылуының жай-жапсарымен бөлісті. Кәрім Мәсімовтің пара ретінде алып, шетел асырған 3 млн доллары Қазақстанға қайтарылды.
Ал 14 шілдеде Ресейге қашпақ болған кезде оның немере інісі, Павлодар облыстық полиция басқармасының бұрынғы бастығы Нұрлан Мәсімов те ұсталды.
