Ресейліктерге ЖСН уақытша берілмейді
Қазақстанда шетелдіктерге арналған ЖСН қызметі уақытша жабылды, деп хабарлайды Qazaq.Today.
Бұл туралы электронды үкімет сайты жазды.
«Электрондық үкімет» сайтындағы мәліметтерге сәйкес, «Қазақстан Республикасына уақытша келетін шетелдіктер мен азаматтығы жоқ тұлғалар үшін ЖСН беру» қызметі қазір қолжетімді емес. Қызмет бұл бағыттағы жұмыс 2022 жылдың 1 қазанынан бастап қалпына келтірілетінін айтты.
Шетелдіктерге ЖСН берудің тоқтатылуының себептері сайтта көрсетілмеген. Еске салайық, ресейлік әнші Лев Лещенконың Қазақстанға келіп, халыққа қызмет көрсету орталығында ЖСН алғаны белгілі болған кезде қоғамда бұрын-соңды болмаған шу көтерілген болатын.
