Қостанай облысындағы жол апаты: мотоцикл жүргізушісі қаза тапты
Қостанай облысында ҚАЗ-19 автожолында «КамАЗ» мен мотоцикл соқтығысып, мотоцикл жүргізушісі қаза тапты. Полиция тергеу жүргізіп жатыр.
Сурет: turkystan.kz
Қостанай облысындағы ҚАЗ-19 автожолында, Семилетка ауылының маңында жол-көлік оқиғасы болып, адам өмірі қиылды. Бұл туралы turkystan.kz сайтына сілтеме жасап, Qazaqtoday.info сайты хабарлайды.
Қостанай облысы полиция департаменті бастығының орынбасары Аманжол Байзақовтың мәліметінше, жолда «КамАЗ» көлігі мен мотоцикл соқтығысқан. Апат салдарынан мотоцикл жүргізушісі ауыр жарақат алып, оқиға орнында көз жұмған.
«КамАЗ» жүргізушісі маневр жасау барысында қауіпсіздікке көз жеткізбеген, сөйтіп мотоциклмен соқтығысқан. Аталған жол-көлік оқиғасына қатысты полиция тергеу амалдарын бастады», — деді Аманжол Байзақов.
Полиция барлық жол қозғалысына қатысушыларды жол ережелерін қатаң сақтауға шақырады.
