Тарбағатай тауларында Қызыл кітапқа енген арқарлар фототұзаққа түсті
Тарбағатай тауларында Қызыл кітапқа енген арқарлар фототұзаққа түсті. Жануарлардың таулы беткейлерде қозғалып, суатқа келгені кадрға алынды.
Сурет: egemen.kz
Тарбағатай тауларында сирек кездесетін арқарлар фототұзаққа түсіп қалды. Кадрларда жануарлардың таулы беткейлермен қозғалып, суатқа келгені көрінеді, деп хабарлайды Qazaqtoday.info сайты.
Қазақстанның Қызыл кітабына енген бұл жануарлар мемлекет қорғауында. Мамандар фототұзақтар арқылы сирек кездесетін түрлердің тіршілігін зерттеп, олардың мекендеу аймақтарын бақылайды.
Бұған дейін Тарбағатай ұлттық паркінде Түркістан сілеусіні де фототұзаққа ілінген еді. Бұл парк аумағында сирек жануарлар үшін табиғи ортаның қолайлы сақталғанын көрсетеді.
