Domestos-пен үй тазалаған алматылық қыз жансақтау бөліміне түсті

Алматылық қыз Domestos-пен үй тазалаймын деп өліп қала жаздады. Ол душ кабинасын арнайы гельмен жуып, иісіне уланып, есінен танып қалды. Тіпті жансақтау бөліміне түскен, деп хабарлайды QazaqTodayinfo.kz ақпарат порталы Mash Telegram-арнасына сілтеме жасап. 

25 жастағы Кристина гельді жағып, кірді губкамен жуа бастады. 7-10 минуттан кейін көзі ашып, дем жетпей, басы айнала бастады. Артынша жүрек соғысы жиілеп, қолдары суып кетті. Ол есінен танып қалды, көрші үйде тұратын дәрігер жедел жәрдем келгенше оған көмектесті.

Фельдшерлер келгеннен кейін Кристина ауруханаға жатудан бас тартты, бірақ содан кейін оның жағдайы қайтадан нашарлады. Ол ауруханаға жеткізіліп, көктамыр ішіне дәрі енгізіліп, оттегі берілді. Тек содан кейін ол өзін жақсы сезіне бастады. Дәрігерлер улану диагнозын қойды.

Domestos құрамындағы негізгі белсенді ингредиент – натрий гипохлориді. Шамадан тыс қолданылса, ол көз бен тыныс алу жолдарын тітіркендіріп, зақымдауы мүмкін. Бұл құрысулар мен өкпе ісінуіне әкеледі.