Қытайлық Bilibili видеохостингі халықаралық нарыққа шығады
Қытайлық Bilibili видеохостингі әлемдік нарыққа шығатынын жариялады. Нақты мерзімі әзірге белгісіз, қосымшаны жүктеп алуға болады.
Сурет: egemen.kz
Қытайдың танымал Bilibili видеохостингі әлемдік нарыққа қадам баспақ. Бұл туралы компания ресми түрде мәлімдеді, алайда нақты уақытын әзірге жариялаған жоқ. Пайдаланушыларға тек «жаңартуларды қадағалап отыруды» ұсынды, деп хабарлайды Qazaqtoday.info сайты.
Қосымшаны қазірдің өзінде жүктеп алу мүмкіндігі бар, дегенмен интерфейстің басым бөлігі әлі күнге дейін қытай тілінде. Бастапқыда Bilibili аниме, комикс пен ойын әуесқойларына арналған платформа ретінде танылған еді. Уақыт өте келе мұнда деректі фильмдер, түрлі шоу бағдарламалар мен авторлық жобалар да пайда болды. Ал бейне үстінен үздіксіз жүретін danmu пікірлері контент көруді ерекше бір шоуға айналдырып жібереді.
Енді қытайлық видеосервис әдеттегі аудиториясынан асып, халықаралық нарықты игеруді көздеп отыр. Әлеуметтік желілерде Bilibili-ді бейресми түрде «қытайлық YouTube» деп атайды.
