«Емге де ақша берген»: Бетперде киген жігіт 16 жастағы қызға баспана сыйлады

Фото: видеодан скрин

Бетперде киген жігіт 16 жастағы Нұранаға пәтер кілтін сыйлап, оның дертке шалдыққан анасының еміне ақша берді, деп хабарлайды Qazaqtoday.info ақпарат порталы.

Нұрананың айтуынша, анасы қатерлі ісікке шалдыққан, ал әкесі қайтыс болған. Олардың өз үйлері болмағандықтан, сарайда тұруға мәжбүр болған.

«Үш жыл бұрын мектепті тастауға мәжбүр болдым. Себебі анам науқастанып қалған еді. Жүк тасушы болып жұмыс істеймін. Картоп, бұршақ, құлпынай жинаймын. Мен оқығым келеді, жұмысымды тастауды армандаймын. Анамның жазылып кеткенін қалаймын. Бұл мен үшін өте маңызды. Әр нәрсенің өз уақыты бар екенін білемін. Қиын күндерден кейін әрдайым жеңілдік болатынын да», – деді ол.

Бетперде киген жігіт 16 жастағы қыздың оқуына, анасының еміне және қажылыққа баруға ақша берді. Сонымен қатар пәтер кілтін табыстады.