Әкімдіктің бақылаусыздығы: Қарағандыдағы Дүйсембеков көшесі қоқыс алаңына айналды

Фото: видеодан скрин

Қарағанды қаласы, Қамали Дүйсембеков көшесі 34/2 мекенжайындағы тұрғындар күнделікті тұрмыстық қалдықтардың астында қалып, жергілікті әкімдік пен жауапты қызметтердің әрекетсіздігіне наразылық білдіруде. Аула ішінде тау болып үйілген қоқыс тек аймақтың сәнін кетіріп қана қоймай, төтенше санитарлық қауіп төндіріп тұр.

Тұрғындардың айтуынша, бұл жағдай бір күндік мәселе емес — әкімдік тарапынан тиісті бақылаудың жоқтығынан мердігер ұйымдар өз міндетін жүйелі түрде орындамай келеді. Жергілікті билік өкілдері тазалық жұмыстарын дер кезінде ұйымдастырудың орнына, халықтың арыз-шағымын аяқасты етіп отыр. Жауапты коммунальдық мекемелер қоқыстың тазартылғанын айтып есеп бергенімен, шынайы көрініс әкімдіктің сөзі мен ісінің сәйкес келмейтінін анық көрсетеді. Халық қала билігінен құрғақ сөзді қойып, бұл антисанитариялық заңсыздықты шұғыл түрде қолға алып, нақты шара қолдануды талап етеді.

Видео: ⁠@ekaraganda.kz⁠